الخوف من أكثر الأشياء اللي بتمنع الشخص إنه يتغير سواء في شغله أو حياته 

والخوف بيجي لكل واحد فينا بنكهة أو طعم مختلف على حسب قيمنا الشخصية وطبيعة شخصيتنا مثلا الخوف من الكسوف، الخوف من الفشل، الخوف من أراء الأخرين، الخوف من الرفض، وأحيانا الخوف من النجاح

طيب إيه أصل كل المخاوف في حياتنا؟
اصل المخاوف من وجه نظري هو خوفنا من المجهول اللي بيضم تحته كل المخاوف التانية، تخيل معايا لو الشخص عرف المجهول وكان قادر انه يواجهه هل حيفضل خايف؟

كل الناجحين المؤثرين في العالم بني أدمين طبيعين بيخافوا ولكن في فرق حد خوفه بيمنعه إنه يتحرك وبيفضل سجينه طول العمر وحد تاني بيسمع خوفه وبيحضنه وبيتحرك

كل الناجحين عارفين إنه عشان حقيقي الشخص ينمو لازم يعمل حاجة تخوفه وبمقدار الخوف بيجي النمو سواء النفسي أو العاطفي

مستحيل حد حيقدر يمنع الخوف من انه يظهر في حياته، بس الشطارة انك تعرف تتعامل معاه وتصاحبه ويكون وسيلة للنمو