Define Your Meaning Statement in 4 Steps
They Wake Up Early - Habit #3
إيه أهم 30 عادة بتميز الناس المؤثرين الناجحين (السعداء) في إي مجال؟
فيش حد بينجح وبيكون سعيد نسبيا في حياته بالصدفة وحتى لو ده بيحصل معتقدش إن نجاحه وسعادته بتستمر بالصد
العادة الثالثة
الإبكار
كل الناس الناجحين بشكل كبير والأكثر سعادة بيصحوا بدري مقارنة بغيرهم ومن وجهة نظري قدرة إي شخص على إستغلال أول اليوم هو السر الحقيقي في النجاح ده
“If you win the morning, you win the day”
الفوائد
١- طبعا بيزود الإنتاجية لإنه بيدي وقت إضافي
٢- بيساعد أكثر على التركيز
٣- بيساعدك إنك تظبط مواعيد نومك
٤- بيساعدك تلاقي الوقت اللي تقدر تستمتع فيه بالهدوء
٥- بيساعدك تخطط أفضل لليوم
٦- بيساعدك إنك تنظم مواعيد وجباتك
طيب إيه اللي ممكن يساعدك تصحى بدري؟
١- محتاج يكون عندك إرادة وسبب عشانه تقوم بدري مثلا (الأهتمام بصحتك سواء ممارسة الرياضة أو التأمل وخلافه وكمان ممكن عشان تخلص مشروع أو فكرة عندك أو عشان تنمو على المستوى الشخصي أو المهني)
٢- نام بدري عشان تصحى بدري
٣- خدها واحدة واحدة يعني حاول في الأول بس تصحى نص ساعة بدري عن وقتك الطبيعي وكل أسبوع زود نص ساعة
٤- ظبط المنبه بتاعك والأفضل يكون بعيد عنك عشان تضمن إنك حتقوم
٥- حاول تدي لنفسك الحافز إنك تصحي بدري مثلا تعمل فطار كويس أو تشرب العصير اللي بتحبه أو كباية شاي أو قهوة وإنت بتقرأ كتاب في هدوء
معظم العادات اللي حنتكلم عليها هي عادات بسيطة وسهل إننا نعملها ولكن مع سهولة العادات بتكمن صعوبتها لإنها محتاجة إلتزام وإنتظام عشان كدة خلال الإيام القادمة إختار إنسب وإبسط العادات بالنسبالك وحاول تلتزم بيها وإنا مؤمن إن أحيانا عادة واحدة ممكن تغير حياة شخص بالكامل
