Define Your Meaning Statement in 4 Steps
They craft their calling - Habit #24
إيه أهم 30 عادة بتميز الناس المؤثرين الناجحين (السعداء) في إي مجال؟
العادة الرابعة والعشرين 24
They craft their calling
بيفصلوا وظيفتهم المناسبة
مفيش حاجة اسمها وظيفة الأحلام، مفيش وظيفة مهما كانت ممكن تحسسك بالسعادة الدائمة مهما كنت بتحبها ولكن كل وظيفة ليها مشاكلها ولازم حتتعب في كل وظيفة
بحكم شغلي، بشتغل كتير مع موظفين ,ومدربين سواء في شركات كبيرة أو ناشئة وفي ناس كتير مش بتبقى مبسوطة في شغلها فبتستعجل انها تغير شغلها لشغل تاني او احيانا بتتجه لعمل خاص ولكن مع مرور الوقت بيزول بريق الشغل الجديد وترجع ريما لعادتها القيمة….
عدم رضا وعدم قبول وعدم سعادة
ناس كتير بتغير وظيفتها وطبيعة شغلها وبتاخد طريق مختصر بس مش بتبقى فاهمة مخاوفها ولا قيمها أو اللي بيحفزها ومواطن القوى عندها، فبتغير الوظيفة أو بتغير البيئة ولكن بتظل الثقوب بتظل المخاوف ويظل السعي ورا هدف متحرك إسمه النجاح فبتغيب السعادة والرضا
الناس الناجحين المؤثرين السعداء بيعرفوا يفصلوا اي وظيفة عشان تكون مناسبة لقدراتهم مش العكس ومش بيستنوا تجيلهم بالصدفة أو من الثبات
الهروب مش حيحل المشكلة وأوعدك لو ماعرفتش تحلها حتلاقيها في الوظيفة الجديدة
المركب المخروم حيغرق مهما غيرت المياه اللي حواليه
