Define Your Meaning Statement in 4 Steps
They keep a journal - Habit #25
إيه أهم 30 عادة بتميز الناس المؤثرين الناجحين (السعداء) في إي مجال؟
العادة الخامسة والعشرين 25
They keep a journal
معاهم دايما مدونة
في يوم من الأيام كنت بتكلم مع واحد صاحبي عن كتاب قريته ولكن لقيت إني مش فاكر تفاصيل كتير ولما روحت فتحت الكتاب حسيت إني أول مرة أمسكه وأول مرة أشوفه
بعد التجربة ديه قررت أكتب كل الملاحظات والأفكار والإنجازات اللي بتحصل في حياتي سواء على ورق أو على الكومبيوتر
وفي حاليا مئات التطبيقات ممكن تساعدك في الكتابة مثلا زي
Evernote
ولما بحثت لقيت إن معظم الناس الناجحين بالفعل بيقدروا يمسكوا أفكارهم على ورق وده بيسمحلهم إنهم يتابعوا تقدمهم ويكون عندهم وعي حقيقي بإنجازاتهم حتى لو كانت بسيطة…لإنك لما تقرر تكتب على ورقة بيضا سواء ملاحظات أو أفكار أو إنجازات أو إمتنان ده بيخليك تفكر بشكل أعمق في كل كلمة ومعناها وده كافي يضاعف الفايدة من التجربة ويريحك ذهنيا ونفسيا ويكشف قدامك طرق وحلول جديدة
قرر وإختار الوسيلة المناسبة للكتابة سواء على ورق أو أون لاين وأبدا من انهاردة رحلة الوعى من خلال الكتابة