المشكلة إنه ناس كتير بتخاف تقدم قيمة لإنها حاسة إن المعلومات أو الأفكار بتاعتها حتخلص وبالتالي العميل بيتوقف عن المتابعة مع الوقت

قدرتك على التسويق بتعتمد في الأساس على تقديم قيمة بشكل “مستمر” للعميل وده معناه قدرتك على تخليق أفكار جديدة وبشكل مستمر

طيب تقدر إزاي تقدر تكون مصنع للأفكار؟

حقولكم على أربع حاجات ساعدتني بشكل شخصي على تجميع وصناعة أفكار بشكل مستمر

١- القراءة
مستحيل شخص عايز يخلق أفكار جديدة من غير ما يقرأ لأن القراءة ممكن تاخد منها أفكار جاهزة وكمان بتنشط عقلك يفكر في أفكار جديدة

٢- الرياضة
في دراسات كتير بتثبت أن ممارسة الرياضة أو الحركة تزود من الإنتاجية والإبتكار بشكل كبير حتى لو المشي بس

٣- التأمل
ممكن أتكلم كتير عن التأمل ومميزاته اللي واحدة منها زيادة صفاء الذهن وبالتالي زيادة معدل الأبتكار والإنتاج

٤- العطاء
كل ما بتعطي اكتر ده بيسمحلك أنك تتعلم عشان تعلم غيرك وبالتالي عجلة النمو والعطاء حتساعدك أنك تخلق أفكار بشكل مستمر

الابتكار اللي بيدوم هو المعتمد في الاساس على العطاء