ليه “الإيميل” من اكتر وسائل التواصل (فعالية) و تقدر تبني بها العلاقة بشكل (مستمر)

الفيس بوك وغيرها من وسائل التواصل بيختار بشكل كبير مين اللي يشوف المحتوى بتاعك حتى لو عملت اعلانات بفلوس برده بيفضل بينك وبين عميلك المثالي شوية معادلات حنتكلم عنها خلال الشهر ان شاء الله

وعشان تبني الثقة بشكل مستمر لازم عميلك يشوف القيمة اللي بتقدمها بشكل مستمر. وللأسف نتيجة للزحمة لازم العميل يشوف القيمة قدامه لانه نادر ان عميل يخش مخصوص عشان يتابع شخص أو محتوى بعينه بشكل مستمر

ومن هنا تظهر فايدة الإيميل أو إنه يكون عندك إيميلات لعملائك بحيث تقدر تتواصل معاهم بالمعدل المناسب ليك وتضمن على الأقل ان العميل استلم الإيميل ـ ممكن يفتحه أو لأ بس مجرد انه يشوف أسمك مع عنوان قوى كافي إنه يفكر فيك وممكن يرجع يفتحه في الوقت المناسب له

شويه إحصائيات من شركات عالمية لها علاقة بأهيمة الإيميل

١- إحتمالية ان عميلك يشوف رسالتك في الإيميل (خمس) أضعاف ال social media

٢- إحتمالية إن العميل يشتري المنتج بتاعك بتكون 66% أكتر من وسائل التواصل التانية

٣- لو حطيت لينك في الإيميل إحتمالية ان الناس تدوسه (ست) مرات أكتر من أي social media

عشان كدة مهم جدا تستثمر في تجميع أكبر عدد من الإيميلات الخاصة بعميلك المميز عشان حاليا ديه من اكتر الطرق اللي بها تقدر تبني الثقة بشكل فعال مع الوقت